निर्वाचन कार्यालयमा सुरक्षाकर्मीले तालाबन्दी गर्न नदिएपछि घेराउ गर्दै नाराबाजी गर्दा सामान्य झपड समेत भएको राजपा नेपालका अध्यक्षमण्डलीय नेता परमेश्वर साहले मधेशवाणीलाई टेलिफोन सम्वादमा बताएका छन् ।
उनले आफूहरुलाई एसपी कार्यालयमा राखेको र आफूहरु हिरासतभित्रै नाराबाजी गरिरहेको बताए । उनका अनुसार सुरक्षाकर्मीले महिलाहरुमाथि दुर्व्यवहारसमेत गरेको आरोप लगाए ।
राजपा नेपालका नेता कार्यकर्ताहरु पक्राउ परेको भन्दै जनकपुरधामको ठाउँ–ठाउँमा प्रदर्शनकारीहरुले टायर बालेर प्रदर्शन गरिरहेका छन् । जनकपुरधामको अवस्था अहिले तनावग्रस्त रहेको छ ।
